काठमाडौं । प्रहरी चारित्रिक प्रमाणपत्र (पुलिस रिपोर्ट) अब अनलाइबाटै प्रमाणीकरण हुने भएको छ। कन्सुलर सेवा विभागले आइतबारदेखि यो सेवा प्रारम्भ गरेको हो।

परराष्ट्रमन्त्री एनपी साउदले विभागमा आयोजित एक कार्यक्रमबीच अनलाइन प्रमाणीकरण सेवा सुरु गरेका हुन् । यससँगै अब अनलाइनबाटै फारम भरी शुल्क तिरी कन्सुलरको छापसहितको प्रहरी रिपोर्ट अनलाइनबाट नै प्राप्त गर्न सकिन्छ ।

अनलाइनबाटै आवेदन दिने र प्रमाणीकरण हुने भएपछि अब अध्ययन तथा रोजगारीका लागि विदेश जाने नेपालीले पुलिस रिपोर्ट लिन कार्यालयमै जानुपर्ने बाध्यताको अन्त्य भएको छ । यसअघि चारित्रिक प्रमाणपत्रका लागि सेवाग्राही आफैँ उपस्थिति हुनुपर्दथ्यो ।

राहदानी विभागमा देखिँदै आएको भीडभाड न्यून गर्न र सेवाग्राहीले प्रहरी चारित्रिक प्रमाणपत्रको प्रमाणीकरणका लागि उपस्थित हुनुपर्ने बाध्यता हटाउन परराष्ट्रमन्त्री साउदले उक्त निर्देशन दिएका थिए।