काठमाडौं । गत मंसिर ४ गते भएको आम निर्वाचनको मतगणना जारी छ । बुधवार बिहान  ८ बजेसम्म कुल ९९ लाख ९३ हजार ५६८ मत गणना हुँदा 

प्रतिनिधिसभा र प्रदेशसभाको प्रत्यक्षमा कांग्रेस पहिलो दल बनेको छ भने नेकपा एमाले दोस्रो बनेको छ। समानुपातिकतर्फ भने एमाले पहिलो दल बन्नेछ। दोस्रोमा कांग्रेस दोस्रो पार्टी बन्ने निश्चित देखिएको छ।

बुधवारबिहान  ८ बजे  सम्मको तथ्यांकअनुसार सुरुदेखि नै पहिलो स्थानमा रहेको नेकपा एमालेले २६ लाख ९४ हजार १२४ मत ल्याइसकेको छ भने दोस्रोमा रहेको नेपाली कांग्रेसले  २५ लाख ४८ हजार ७७८ समानुपातिक मत पाइसकेको छ। 

त्यसैगरी  नेकपा माओवादी केन्द्रले ११ लाख ४३ हजार ५०३ मत पाएको छ । राष्ट्रिय स्वतन्त्र पार्टीले १० लाख ९८ हजार १७१ मत पाएको छ ।

राष्ट्रिय प्रजातन्त्र पार्टीले ५ लाख ७० हजार १०२ मत पाएको छ । यस्तै जसपाले ३ लाख ८८ हजार ४८२ मत पाएको छ।

जनमत पार्टीले ३ लाख ४६ हजार ९७० मत पाएको छ ।

नागरिक उन्मुक्ति पार्टीले दुई लाख ४७ हजार७०१, लोकतान्त्रिक समाजवादी पार्टीले एक लाख ४७ हजार९३७, नेपाल मजदूर किसान पार्टीले ७३ हजार ५९३, मत प्राप्त गरेका छन्।