काठमाडौं ।  विमानको इन्जिनमा समस्या देखिएपछि काठमाडौं उडेको श्री एयरलाइन्सको विमान पुनः नेपालगञ्ज विमानस्थल फर्काइएको छ । 

नेपालगञ्जबाट उँडेको केहीबेरमा नै इन्जिनबाट धुवाँ निस्केपछि श्री एयरको ९ एन–एएनएफ जहाजलाई पुनः नेपालगञ्ज विमानस्थल फर्काइएको हो । नेपालगञ्ज विमानस्थलका अनुसार इन्जिनमा खराबी देखिएपछि जहाजलाई सुरक्षित अवतरण गराइएको हो । 

जहाजमा चालक दलसहित ७९ जना यात्रु सवार थिए । नेपालगञ्ज विमानस्थलमा अवतरण गराइएपछि जहाजको प्राविधिक चेकजाँच सुरु गरिएको छ।