काठमाडौं । हिरो मोटरसाइकल तथा स्कुटरको आधिकारिक विक्रेता नेपाल जनरल मार्केटिङ प्रालिले नयाँ स्किम ल्याएको छ ।
उक्त स्किम अन्तर्गत ग्राहकले फाइनान्स सुविधामा बाइक खरिद गर्दा ९ प्रतिशत व्याजदर तिरे पुग्नेछ ।
यो नयाँ अफरमा ग्राहकले ४० प्रतिशत डाउनपमेन्ट भुक्तानी गरेर नयाँ वाइक खरिद गर्दा वाँकी ६० प्रतिशतलाई फाइनान्स सुविधाका रुपमा उपभोग गर्न पाउनेछन् ।
उक्त रकमलाई शुरुमा १३ प्रतिशत व्याजदरका दरले मासिक किस्ता तिर्दै जाँदा समयमै भुक्तानी गर्ने ग्राहकले पछि व्याजवापत भुक्तानी गरेको कुल रकमको ४ प्रतिशत रकम फिर्ता पाउने भएका हुन् ।
यसरी अन्तिममा ४ प्रतिशत व्याज फिर्ता पाउँदा ग्राहकले जम्मा ९ प्रतिशत व्याजरमा फाइनान्स सुविधा पाउने देखिएको हो । यसका लागी कम्पनीले आफ्नै वित्तिय संस्थाबाट फाइनान्सको सहजिकरण गरिदिनेछ ।
हिरोसंंग अहिले बजारमा एक्सपल्स, एक्सिट्रम स्पोर्टस, एक्सट्रिम २०० आर, एक्सटिङम १६० आर, एचिभर, हंक, ग्ल्यामर, एचएफ डिलक्स, स्प्लेन्डर आई स्मार्ट र सुपर स्प्लेन्डर लगायत मोडलका मोटरसाइकल उपलब्ध छन भने स्कुटरमा डुएट, माइस्ट्रो एज, प्लेजर, प्लेजर प्लस र डेस्टिनी मोडलका स्कुटर उपलब्ध छन् ।
प्रतिक्रिया