काठमाडाैं । जनता समाजवादी पार्टी, नेपाल (जसपा) ले स्थानीय तह निर्वाचन–२०७९ को घोषणा पत्र सार्वजनिक गरेको छ ।

आइतबार काठमाडौंमा आयोजित एक कार्यक्रममा पार्टीका शीर्ष नेताहरूले सामूहिक रूपमा घोषणा पत्र सार्वजनिक गरेका हुन् ।

पार्टीका संघीय अध्यक्ष उपेन्द्र यादव, संघीय परिषद् अध्यक्ष तथा पूर्वप्रधानमन्त्री डा.बाबुराम भट्टराई, वरिष्ठ नेता अशोककुमार राई लगायतका नेताहरूले घोषणा पत्र सार्वजनिक गरेका हुन् ।

कार्यक्रममा राजेन्द्र श्रेष्ठ, महेन्द्र राय यादव, हिसिला यमी लगायतका नेताहरू सहभागी थिए ।

जसपाले ‘पहिचान, संघीयता, सुशासन र सदाचार स्थानीय सरकार समृद्धिको मूल आधार’ भन्ने मूल नाराका साथ घोषणा पत्र तयार गरेको छ । 

नाराहरू

– गाउँ-गाउँ शहर-शहर जाऔँ

जसपा, नेपाललाई जिताऔँ

स्थानीय तहलाई भ्रष्टाचार मुक्त बनाऔँ

विकास र समृद्धिको अभियान अघि बढाऔँ

– पहिचान, संघीयता, सुशासन र सदाचार

स्थानीय सरकार समृद्धिको मूल आधार

– जनता समाजवादी पार्टीको मूल मन्त्र

समानुपातिक, सहभागितामुलक, समावेशी लोकतन्त्र

– समावेशी नेतृत्व समृद्ध देश

जसपाले जोड्छ हिमाल, पहाड मधेश

– समावेशी लोकतन्त्र सबैको विकास

जसपाले दिन्छ देशलाई निकास

– संघीयता, समावेशीता र पहिचान

समृद्धिका लागि छातामा मतदान

– समुन्नत संघीय समाजवाद हाम्रो संकल्प 

जनता समाजवादी पार्टी आजको विकल्प

– संघीयता, सुशासन, समृद्धि र पहिचान

जसपाको चुनाव चिन्ह छातामा मतदान

घोषणा पत्रको पूर्णपाठ