काठमाडौं । नेकपा एमालेका अध्यक्ष प्राध्यापक डाक्टर गोविन्द केसीका कारण देशमा नयाँ अस्पताल र मेडिकल कलेज खोल्न नसकिएको बताएका छन्। 

काठमाडौंमा शुक्रबार आयोजित पार्टीनिकट स्वास्थ्यकर्मी संगठनको महाधिवेशनमा बोल्दै ओलीले केसीप्रति कटाक्ष गरेका हुन्। 

‘एकजना छन् नि! देशमा अस्पताल र मेडिकल कलेज खोल्न खोज्यो कि धम्क्याउन थालिहाल्छन्। हस्पिटल खोल्ने रे! सुतिदिऊँ सुतिदिऊँ भन्छन्, सुत्न थालिजान्छन्’, उनले भने, ‘म नखाऊँ, भोकै बसिदिऊँ भनेपछि सरकार थरर काम्न थालिजान्छ।’

ओलीले अर्काथरी समूह मेडिकल शिक्षाका विद्यार्थी विदेश पठाएर कमाउन लागेको आरोप पनि लगाए। ‘अर्कातिर एक थरी विद्यार्थी बाहिर पठाएर कमाउँछन्, अनि फेसबुकमा अभियान चलाउँछन्’, उनले भने, ‘विद्यार्थी बाहिर पठाउने कारोबारमा असर पर्न थाल्यो कि फेसबुकमा अभियान थालिहाल्छन्।’

ओलीले सबै पूर्वाधार तयार हुँदा पनि नयाँ मेडिकल कलेजले मान्यता पाउन नसकेको भन्दै दुखेसो पनि पोखेका छन्।