काठमाडौं । सरकारले कांग्रेस नेता नारायण खड्कालाई परराष्ट्रमन्त्री नियुक्त गरेको छ । उनलाई परराष्ट्रमन्त्री नियुक्त गरेको पत्र प्रधानमन्त्री कार्यालयले राष्ट्रपति कार्यालयमा पठाएको छ। 

नवनियुक्त मन्त्री खड्काको शपथग्रहण शीतल निवासमा दिउँसो १ बजे हुने पनि प्रधानमन्त्रीको सचिवालयले जनाएको छ ।

नेपाली कांग्रेसको विदेश विभाग प्रमुख रहेका खड्का उदयपुर क्षेत्र नम्बर १ बाट प्रत्यक्ष निर्वाचित सांसद हुन् ।