काठमाडौं  । नेपाल प्रहरीले १६ डिआइजी र १५ एसएसपीको एकैपटक सरुवा गरेको छ । मन्त्रीस्तरीय निर्णयबाट उनीहरुको सोमबार सरुवा गरिएको हो।

केन्द्रीय अनुसन्धान ब्युरोमा २ नम्बर प्रदेश प्रहरी प्रमुख डिआइजी धीरजप्रताप सिंहलाई पठाइएको छ । उनको ठाउँमा प्रहरी प्रधान कार्यालय अन्वेषण योजना तथा विकास निर्देशनालयका प्रमुख डिआइजी मुकुन्दराज आचार्यलाई पठाइएको प्रहरी प्रधान कार्यालय नक्सालले जनाएको छ ।

केन्द्रीय अनुसन्धान ब्युरोमा रहेका सहकुलबहादुर थापालाई प्रहरी प्रधान कार्यालय प्रदेश समन्वय निर्देशनालय नक्साल सरुवा गरिएको छ ।

एसएसपी मीरा चौधरीको प्रदेश प्रहरी तालिम केन्द्र विराटनगर, श्यामलाल ज्ञवालीको नेपाल प्रहरी प्रदेश कार्यालय बनेपा, उमाशंकर पन्जियारको नेपाल प्रहरी प्रदेश कार्यालय विरगञ्ज र जनकराज पाण्डेयको नेपाल प्रहरी प्रदेश कार्यालय महेन्द्रनगरमा सरुवा गरिएको छ।

यस्तै गोविन्दकुमार साहको नेपाल प्रहरी प्रदेश कार्यालय धरान, कृष्णहरि शर्मा पोखरेलको नेपाल प्रहरी प्रदेश कार्यालय पोखरा, हृदय थापाको प्रहरी प्रधान कार्यालय अन्वेशषण योजना तथा विकास निर्देशनालय, टेकबहादुर तामाङको अख्तियार दुरुपयोग अनुसन्धान आयोग तथा नलप्रसाद उपाध्यायको राजमार्ग सुरक्षा तथा टाफिक महाशाखामा सरुवा भएको छ।

मन्त्रालयका अनुसार राजेन्द्र प्रसाद चौधरीको १ नम्बर प्रदेश प्रहरी कार्याल अपराध नियन्त्रण तथा अनुसन्धान महाशाखा, उमेशराज जोशीको प्रहरी प्रधान कार्यालय अपराध अनुसन्धान विभाग, दिपक थापाको २ नम्बर प्रदेश प्रहरी कार्यालय जनकपुर धनुषा शान्ति सुरक्षा महाशाखा, चन्द्रकुबेर खापुङको काठमाडौं उपत्यका अपराध अनुसन्धान कार्यालय, बिक्रमबहादुर चन्दको सुदूरपश्चिम प्रदेश प्रहरी कार्यालय दीपायल र नरबहादुर खत्री गण्डकी प्रदेश प्रहरी कार्यालय पोखरामा सरुवा गरिएको छ।