काठमाडौं  ।  सोमबार छापावाल सुनको मूल्य प्रतितोला  पाँच सय रुपैयाँले बढेको छ ।

आइतबार तोलामा १५ सय रुपैयाँ घटेको सुनको भाउ सोमबार भने बढेको हो । सोमबार छापावाल सुन प्रतितोला ७७ हजार ५ सय रुपैयाँ पुगेको नेपाल सुनचाँदी व्यवसायी महासंघले जनाएको छ । यस्तै तेजावी सुन प्रतितोला ७७ हजार २ सय रुपैयाँ पुगेको छ ।

आइतबार छापावाल सुन प्रतितोला ७७ हजार रुपैयाँमा कारोबार भएको थियो । तेजावी सुन प्रतितोला ७६ हजार ७ सय रुपैयाँ पुगेको थियो ।

चाँदीको भाउ भने स्थिर छ । चाँदी सोमबार प्रतितोला ७ सय ९० रुपैयाँमा कारोबार भइरहेको महासंघले जनाएको छ ।