काठमाडौं । धादिङको बेनिघाट रोराङ गाउँपालिकास्थित पृथ्वी लोकमार्गमा ट्रक दुर्घटना भएको छ ।

दुर्घटनामा एकको मृत्यु भएको छ भने अर्का एक जना घाइते भएका छन् । दुर्घटनामा मकवानपुर घर भएका ४६ वर्षीय ट्रक चालक बिखे थोकरको मृत्यु भएको छ ।

गजुरी अस्पतालमा उपचारको क्रममा उनको मृत्यु भएको हो । सप्तरी घर भएका सहचालक १८ वर्षीय राजेश विक घाइते भएका छन् । उनको अवस्था सामान्य रहेको छ ।

आइतबार बिहान सिमेन्ट बोकेर आइरहेको ना ५ ख ३७७७ नं.को ट्रकको टायर पड्किएर (अनियन्त्रित भएर) त्रिशुली नदीमा खसेको हो । ट्रक सडकबाट करिब एक सय मिटर तल खसेको प्रहरीलले जानकारी दिएको छ ।