ललितपुर– महिला, बालबालिका तथा ज्येष्ठ नागरिक मन्त्रालयकी पूर्वमन्त्री थापाका पीए दम्पती हस्त गर्वुजामगर र नेत्रकुमारी गर्वुजाको ललितपुरको तिखेदेवलस्थित क्लबमा साउनामा निस्सासिएर ज्यान गएको  छ।

बुधवार राति ललितपुरको सातदोवाटोस्थित फिट एण्ड फाइन जिम सेन्टरमा जीम गरेर स्टीम वाथ का लागि कोठामा छिरेका हस्तकुमार गर्वुजामगर र उनकी श्रीमती नेत्रकुमारी पुनको निधन भएको ललितपुर प्रहरीका एसपी दुर्गा सिंहले जानकारी दिए ।

गर्वुजामगर थममाया थापामन्त्री हुदा स्वकीय सचिव थिए ।

साउना लिने क्रममा लामो समयसम्म ननिस्किएपछि खोजखबर हुँदा उनीहरू भित्रै बेहोस भेटिएका थिए । बेहोस अवस्थामा रहेका उनीहरुलाई अस्पताल नपुर्याउँदै मृत्यु भएको एसपी सिंहले जानकारी दिए ।

टनाबारे अनुसन्धान भइरहेको महानगरीय प्रहरी परिसरले जनाएको छ। प्रहरीका अनुसार अक्सिजन कमीले निस्सासिएर ज्यान गएको प्रारम्भिक अनुसन्धानबाट खुलेको छ।

उनीहरूको शव पोष्टमार्टमका लागि पाटन अस्पतालमा राखिएको प्रहरीले जनाएको छ।