सन् २०२१ मा भारतमा आयोजना हुने टी–२० को नयाँ वरीयतामा १२ स्थानमा परेकाले नेपाल सिधै ग्लोबल छनोटमा पुगेको छ ।

सन् २०२१ को मार्चदेखि जुलाइसम्म चल्ने ग्लोबल छनोटमा नेपाललगायत ११ औं स्थानमा रहेको जिम्बावे, १५ औं स्थानको युएई र २० औं स्थानको हङकङले पनि प्रतिस्पर्धा गर्नेछन्। यस्तै, सन् २०२० मा अस्ट्रेलियामा हुने टी–२० विश्वकपका पुछारका ४ टोलीले पनि ग्लोबल छनोट खेल्नुपर्नेछ।

कुल १६ टिमको सहभागिता रहने सो छनोटमा सहभागी टोलीलाई दुई समूहमा विभाजन गरी प्रतियोगिता खेलाइनेछ। दुवै समूहका शीर्ष दुई टोलीले विश्वकपमा भाग लिन पाउने छन्।